«Увечары 9 сакавіка адбылася тэлефонная размова прэзідэнтаў Расіі і ЗША», — сказаў Ушакоў.

Гэта першая размова Пуціна і Трампа больш чым за два месяцы і ў тым ліку першы іх кантакт, пра які вядома з пачатку атакі ЗША і Ізраіля на Іран.

«Размова мела дзелавы, адкрыты і канструктыўны характар, як гэта звычайна адбываецца ў дыялогу паміж расійскім і амерыканскім лідарамі. Дональд Трамп патэлефанаваў Уладзіміру Уладзіміравічу Пуціну, каб абмеркаваць шэраг вельмі важных тэм, звязаных з бягучым развіццём міжнароднай абстаноўкі», — адзначыў Ушакоў. 

Пуцін выказаў шэраг меркаванняў, накіраваных на больш хуткае палітыка-дыпламатычнае ўрэгуляванне сітуацыі на Блізкім Усходзе. Трамп даў ацэнку ў кантэксце сумеснай з Ізраілем аперацыі.

«Прэзідэнт Трамп зноў выказаў зацікаўленасць у тым, каб канфлікт ва Украіне завяршыўся хутчэйшым выхадам на спыненне агню і дасягненнем доўгатэрміновага ўрэгулявання», — сказаў Ушакоў журналістам.

Размова адбылася па ініцыятыве амерыканскага прэзідэнта. Прадоўжылася яна каля гадзіны. Абодва лідары заявілі пра гатоўнасць камунікаваць адзін з адным на рэгулярнай аснове.