Прэзідэнт Расіі прапанаваў азербайджанскаму лідару пачаць сустрэчу ў Душанбэ з абмеркавання сітуацыі з авіякатастрофай самалёта азербайджанскай авіякампаніі AZAL. Па словах расійскага лідара, прычыны крушэння самалёта сталі зразумелыя пасля ўважлівага аналізу здарэння. Пуцін звязаў авіякатастрофу ў тым ліку з тым, што ў небе знаходзіўся ўкраінскі беспілотнік. Расійскі бок у дзень трагедыі «вёў» тры ўкраінскія беспілотнікі, якія перасеклі граніцу Расіі. Ён адзначыў, што дзве ракеты, якія былі выпушчаны сістэмай СПА Расіі, не паразілі самалёт напрамую, а ўзарваліся за некалькі метраў ад яго. Самалёт быў закрануты не паражаючымі баявымі элементамі ракет, а, хутчэй за ўсё, абломкамі. 

Таксама Пуцін адзначыў, што экіпажу самалёта было прапанавана здзейсніць пасадку ў Махачкале, але ён прыняў рашэнне ісці ў аэрапорт базавання. 

Расійскі лідар запэўніў, што РФ зробіць усё, што патрабуецца ў такіх трагічных выпадках па выплатах кампенсацый. Паводле яго слоў, Расія аказвае ўсялякае садзейнічанне следству. Акрамя таго, РФ дасць прававую ацэнку дзеянням усіх службовых асоб у сувязі з трагедыяй.

Падчас размовы з Аліевым Прэзідэнт Расіі таксама нагадаў аб сваіх выбачэннях за тое, што трагедыя з самалётам AZAL адбылася ў небе над Расіяй, яшчэ раз выказаўшы спачуванні сем’ям загінулых.

Раней паведамлялася, што 25 снежня 2024 года самалёт Embraer E190 «Азербайджанскіх авіяліній» пацярпеў крушэнне паблізу горада Актау ў Казахстане. Ён выконваў пасажырскі рэйс па маршруце Баку — Грозны. На борце знаходзіліся 67 чалавек. З іх 38 загінулі, у тым ліку двое членаў экіпажа.