Ушанаванне дзяржаўных сімвалаў не толькі на дзяржаўным узроўні, але і ў сем’ях, з ягоных слоў, кажа пра ўздым патрыятызму. «Гэта сведчыць аб згуртаванні нацыі ў такі няпросты перыяд. Не будзем у гэты святочны дзень паўтараць пра пагрозы. Мы ўсе разумеем, што яны ёсць. І толькі згуртаванасць вакол нацыянальных сімвалаў, вакол нашага нацыянальнага лідара паказвае ворагам, што мы — адзіная, маналітная нацыя. Мы — адзіны, моцны, згуртаваны народ», — сказаў Уладзімір Пярцоў.

Згуртаванасць беларускага народа бачная ў тым, што моладзь і людзі старэйшыя — на лацкане пінжака, а дзяўчынкі — на сукенку носяць дзяржаўны сцяг, адзначыў намеснік кіраўніка Адміністрацыі Прэзідэнта. Дзяржаўныя сцягі вывешваюць у дварах і ў вокнах дамоў. Сцяжкі ёсць у дзяцей. І гэта паказвае, які беларускі народ.