Пра гэта заявіў журналістам старшыня праўлення Нацыянальнага банка Раман Галоўчанка, паведамляе БелТА.

Прэзідэнт Беларусі Аляксандр Лукашэнка ў пачатку кастрычніка падпісаў распараджэнне, якім створана рабочая група па дапрацоўцы праекта Праграмы сацыяльна-эканамічнага развіцця краіны на 2026–2030 гады. У склад гэтай групы ўключаны дэлегаты Усебеларускага народнага сходу, дзеючыя і былыя кіраўнікі органаў дзяржаўнай улады, арганізацый рэальнага сектара эканомікі, навуковых і грамадскіх арганізацый. Кіраўніком прызначаны Раман Галоўчанка.

Кіраўнік Нацбанка расказаў аб працэсе дапрацоўкі праграмы.

— Цяпер ідзе фіналізацыя. Паступіла вялікая колькасць прапаноў і дапаўненняў як ад дэлегатаў Усебеларускага сходу, так і ў выніку грамадскага абмеркавання. У рамках падгруп яшчэ ідуць пэўныя дэбаты па дапрацоўцы. Блокі пытанняў, якія запатрабавалі больш увагі і выклікалі найбольшую цікавасць, — гэта развіццё рэгіёнаў, выкарыстанне ўнікальнага патэнцыялу кожнага з іх, а таксама аграпрамысловы комплекс і павышэнне інавацыйнасці эканомікі. Важныя новыя ідэі, каб эканоміка выйшла на новую прыступку інавацыйнага развіцця, — адзначыў ён.