Аднак менавіта гэтая прывабнасць робіць яе мішэнню для ашуканцаў. 

Яны могуць ствараць фальшывыя вакансіі, абяцаючы залатыя горы, але ў выніку пакідаюць суіскальнікаў без грошай і працы. Таму, каб пазбегнуць непрыемнасцяў, неабходна старанна правяраць кожную прапанову і быць гатовым распазнаць прыкметы махлярства. 

Так, у Пінскі ГАУС звярнулася 20-гадовая мясцовая жыхарка з заявай аб тым, што невядомы падчас перапіскі ў месенджары на падставе дапамогі ў працаўладкаванні ашуканскімі дзеяннямі завалодаў яе грашовымі сродкамі. Падчас праведзеных аператыўна-вышуковых мерапрыемстваў праваахоўнікі высветлілі, што гараджанка вырашыла знайсці на лета работу вахтавым метадам. Прагортвала ролікі ў сацыяльнай сетцы і знайшла інфармацыю аб працаўладкаванні за мяжой. У роліку быў паказаны акаўнт пад імем «Работа ў Еўропе», на якім мелася спасылка з пераходам у месенджар, дзе змяшчалася інфармацыя аб месцы работы, хуткім афармленні дакументаў і розных вакансіях. 

 Дзяўчына перайшла па дадзенай спасылцы ў мэсанджар і патрапіла на карыстальніка «Дзмітрый (Работа ў Еўропе)». У ходзе перапіскі ёй прапанавалі работу ў Германіі: працаваць на складзе па ўпакоўцы тавару вахтавым метадам, пры гэтым быццам бы прадастаўлялася жыллё, харчаванне і страхоўка. Дзяўчыне прапанавалі перавесці спачатку грошы за афармленне на працу, потым пачалі патрабаваць пад рознымі падставамі дадатковыя плацяжы.

У выніку пінчанка, даверыўшыся, унесла некалькі плацяжоў на агульную суму больш за 800 рублёў. Не дачакаўшыся абяцанага працаўладкавання, яна зразумела, што стала ахвярай махляроў, звярнулася па дапамогу ў міліцыю. 

Праваахоўнікамі працягваецца работа па ўстанаўленні ўсіх абставін, а таксама асоб, якія маюць дачыненне да ўчынення махлярства. Следчымі дадзена прававая ацэнка, па факце махлярства ўзбуджана крымінальная справа.