Пракуратура Слуцкага раёна падтрымала ў судзе дзяржаўнае абвінавачанне ў дачыненні да двух работнікаў свінакомплексу, якім інкрымінаваны замах на таемны крадзеж маёмасці гэтай арганізацыі, паведамілі БелТА ў службе інфармацыі пракуратуры Мінскай вобласці.
Як было ўстаноўлена, у канцы 2025 года фігуранты згаварыліся выкрасці жывёлу па месцы працы. Аднойчы зімовым вечарам яны праніклі на тэрыторыю свінакомплексу, з сабой прынеслі мяшкі, у якія змясцілі 18 парсючкоў. Паводле звестак пракуратуры, давесці да канца злачынны намер не змаглі — пры спробе вынесці жывёл з тэрыторыі фігуранты былі затрыманыя.
Абвінавачаныя сваю віну прызналі ў поўным аб’ёме і чыстасардэчна раскаяліся ва ўчыненым.
Суд Слуцкага раёна вынес абвінаваўчы прыгавор. На падставе ч. 1 арт. 14, ч. 2 арт. 205 КК аднаму абвінавачанаму прызначана пакаранне ў выглядзе арышту на адзін месяц, другому — у выглядзе 6750 рублёў штрафу.
Прыгавор у законную сілу не ўступіў, можа быць абскарджаны і апратэставаны ў апеляцыйным парадку.
