Па вобласці задзейнічаны 85 аварыйных брыгад (312 спецыялістаў), 125 адзінак спецыялізаванай тэхнікі і 16 перасоўных дызельных электрастанцый.

Найбольш складаная абстаноўка захоўваецца ў Вілейскім раёне — ён застаецца самым пацярпелым з-за маштабаў пашкоджанняў сетак. Электразабеспячэнне цяпер адсутнічае ў 146 населеных пунктах раёна. Для аператыўнага рэагавання створаны штаб пад кіраўніцтвам памочніка Прэзідэнта — інспектара па Мінскай вобласці Аляксандра Кохана з удзелам прадстаўнікоў усіх датычных службаў.

РУП «Мінскэнерга» трымае сітуацыю на пастаянным кантролі і робіць усё магчымае, каб мінімізаваць час адсутнасці электразабеспячэння, адзначылі на прадпрыемстве.