Вярхоўная Рада падтрымала выхад Украіны з Атаўскай канвенцыі аб забароне супрацьпяхотных мін. Пра гэта паведамляюць украінскія СМІ са спасылкай на дэпутата Рады Яраслава Жалезняка.
«Рада прыпыніла дзеянне Канвенцыі аб забароне прымянення, назапашвання запасаў, вытворчасці і перадачы супрацьпяхотных мін і аб іх знішчэнні», — паведаміў Жалязняк у сваім тэлеграм-канале.Законапраект падтрымалі 299 з 305 прысутных парламентарыяў. Адзначаецца, што спікеру Вярхоўнай Рады даручана «неадкладна падпісаць прыняты закон аб прыпыненні канвенцыі».
Атаўская канвенцыя, якая ўступіла ў сілу ў 1999 годзе, забараняе выкарыстанне, назапашванне, вытворчасць і перадачу супрацьпяхотных мін і патрабуе іх знішчэння.
