Аляксандр Рагожнік вызвалены ад пасады старшыні Віцебскага абласнога выканаўчага камітэта ў сувязі з хваробай. Адпаведны ўказ Прэзідэнт Беларусі Аляксандр Лукашэнка падпісаў 20 кастрычніка. Пра гэта паведамілі ў прэс-службе беларускага лідара, піша sb.by.
Таксама Кіраўнік дзяржавы падпісаў указ аб прызначэнні Сяргея Ляўковіча выканаўцам абавязкаў старшыні Віцебскага абласнога выканаўчага камітэта. Да гэтага часу ён займаў пасаду першага намесніка старшыні Віцебскага аблвыканкама.
Кіраўнік Адміністрацыі Прэзідэнта Беларусі Дзмітрый Крутой па даручэнні Прэзідэнта 20 кастрычніка сустрэўся з актывам аблвыканкама, прадставіў выканаўцу абавязкаў кіраўніка вобласці і акрэсліў актуальныя задачы па развіцці рэгіёна, пастаўленыя Кіраўніком дзяржавы.
