Гэта знакавая падзея для краіны. Ідэю яго правядзення, як расказаў першы намеснік міністра лясной гаспадаркі Андрэй Карась, выношвалі не адзін год. Але дзякуючы сумеснай рабоце Мінлясгаса, БТПР і Валожынскага райвыканкама праект удалося ўвасобіць у жыццё.

Менавіта ў налібоцкіх лясах на працягу многіх стагоддзяў арганізоўваліся розныя паляванні. І зараз гэта мерапрыемства — не проста захаванне традыцый, а знаёмства з нашай гісторыяй і тлумачэнне мэты і ролі палявання ў сучасным свеце.

— Задумваючы гэты фестываль, мы ставілі перад сабой мэту зрабіць яго цікавым для шырокага кола ўдзельнікаў. Тут вопытныя паляўнічыя могуць падзяліцца сваім уменнем здабычы дзікіх жывёл, сваімі трафеямі, абмеркаваць навінкі ў сферы паляўнічай індустрыі і надзённыя пытанні, абмяняцца думкамі, — растлумачыў Андрэй Карась.

У рамках фестывалю прайшлі спецыялізаваныя рэспубліканскія выставы ягдтэр’ераў і беларускага ганчака, чэмпіянат вабільшчыкаў аленя, розныя майстар-класы, былі прадстаўлены стэнды з лепшымі трафеямі. Для дзяцей былі арганізаваны розныя гульнявыя зоны, пракат веласіпедаў.

Андрэй Карабельнікаў
Фота аўтара