Жыхар вёскі Шэйка Крупскага раёна звярнуўся да ратавальнікаў з просьбай аб дапамозе. Мужчына паведаміў, што яго свойскія жывёлы — авечка і двое ягнят — захраслі ў балоце і не могуць выбрацца самастойна. Падрабязнасці расказалі ў прэс-службе МНС.
На месца прыбылі супрацоўнікі МНС. З дапамогай вяроўкі яны акуратна дасталі жывёл, якія захраслі, і перадалі іх уладальніку. На шчасце, авечка і ягняты не атрымалі пашкоджанняў, і ветэрынарнага ўмяшання не спатрэбілася.
