МНС Мінскай вобласці за ноч 25 разоў выязджалі для выратавання машын са снежнага палону. Пра гэта БелТА паведамілі ў прэс-службе Мінскага аблвыканкама.
Дапамога ратавальнікаў спатрэбілася вадзіцелям у Салігорскім, Барысаўскім, Дзяржынскім, Нясвіжскім, Стаўбцоўскім, Капыльскім, Бярэзінскім, Любанскім, Валожынскім, Чэрвеньскім, Уздзенскім раёнах.
Ратавальнікі выязджалі для буксіроўкі пяці аўтобусаў, 12 разоў — для буксіроўкі легкавых аўтамабіляў, чатырох грузавікоў і чатырох машын хуткай дапамогі.
У рэгіёне ўзмоцнены рэжым работы дзяжурна-дыспетчарскіх службаў. Устаноўлены строгі кантроль за функцыянаваннем аб’ектаў жыццезабеспячэння для аператыўнай ліквідацыі любых аварыйных сітуацый.
