Прычына пажару ў касцёле ў аграгарадку Сапоцкін Гродзенскага раёна высвятляецца. Разглядаецца версія, звязаная з парушэннем правілаў эксплуатацыі печаў, цеплагенерыруючых агрэгатаў і прылад, паведамляе БелТА.
Паведамляецца аб ліквідацыі пажару. Агнём пашкоджаны дах і лачанне па ўсёй плошчы будынка. Закураныя сцены, столь і ўнутранае ўбранне касцёла. Пацярпелых няма. На месцы здарэння працавалі 16 адзінак тэхнікі МНС.
Касцёл Ушэсця Дзевы Марыі і Святога Язафата Кунцэвіча ў аграгарадку Сапоцкін пабудаваны ў 1789 годзе. Будынак двухпавярховы, вышыня ў піках — 25 м.
