«У адпаведнасці з пагадненнем уладальнікі дыпламатычных і службовых пашпартоў Рэспублікі Беларусь і Тагалезскай Рэспублікі вызваляюцца ад неабходнасці атрымання віз для ўезду, знаходжання, выезду або накіравання транзітам на працягу перыяду, які не перавышае 30 дзён з даты ўезду. Пры гэтым агульная працягласць бязвізавага знаходжання на тэрыторыі дзвюх краін не павінна перавышаць 90 каляндарных дзён на працягу года», — адзначыў першы намеснік міністра замежных спраў Сяргей Лукашэвіч, прадстаўляючы законапраект. 

Іншыя палажэнні ратыфікаванага пагаднення прадугледжваюць права кампетэнтных органаў дзяржавы адмовіць ва ўездзе непажаданым асобам, парадак прыпынення і спынення дзеяння заключаемага міжнароднага дагавора, а таксама механізмы вырашэння спрэчак і рознагалоссяў, якія могуць узнікнуць паміж бакамі ў ходзе яго тлумачэння і прымянення.