«Несапраўдныя дакументы застаюцца асноўнай праблемай тых, хто перасякае дзяржаўную граніцу. За першыя тры месяцы гэтага года прычыны непрыемнасцяў не змяніліся: ад няўважлівасці і няведання заканадаўства да падробкі або выкарыстання чужых дакументаў», — адзначылі ў беларускім пагранічным ведамстве.

Напрыклад, 80 замежнікаў спрабавалі перасекчы беларускую граніцу без візы, 33 грамадзяніны Беларусі прад’явілі пашпарты з пашкоджанай фатаграфіяй або размытай пячаткай органа, які выдаў дакумент, 4 беларусы прад’явілі пашпарты, якія знаходзяцца ў базе несапраўдных дакументаў, 2 замежнікі спрабавалі перасекчы беларускую граніцу з фальшывым і чужым дакументам. Акрамя таго, больш за 30 беларусаў і замежнікаў прад’явілі пагранічнікам пратэрмінаваныя пашпарты. Большая частка з іх не замянілі дакументы пасля змены прозвішча. 

У ДПК нагадалі, што перад кожнай замежнай паездкай неабходна праверыць пашпарты і іншыя дакументы ўсіх членаў сям’і, неабходныя для перасячэння граніцы.