«У пераднавагодні перыяд, калі ўсе, незалежна ад узросту і статусу, чакаюць чараўніцтва, БРСМ выступіў з ініцыятывай правядзення дабрачыннай акцыі, якая накіравана на арганізацыю адраснай валанцёрскай дапамогі адзінокім і адзінока пражываючым пажылым людзям. Яе мэта — сфарміраваць жывы і бесперапынны ланцужок дапамогі і клопату, у якім моладзь становіцца арганізатарам пераднавагодняй радасці і клопату для тых, хто ў гэтым мае патрэбу. Кожны падарунак і віншаванне — гэта звяно, якое аб’ядноўвае пакаленні і натхняе іншых далучыцца да гэтай патоку чалавечага цяпла і ўвагі», — расказала Святлана Паўленіна.

Да ўдзелу ў акцыі прыцягваюцца навучэнцы 9-11-х класаў устаноў агульнай сярэдняй адукацыі, устаноў сярэдняй спецыяльнай адукацыі, студэнты і курсанты ВНУ, члены валанцёрскіх атрадаў БРСМ «Добрае сэрца». 

• «Дабрачынная акцыя працягнецца да 19 студзеня і будзе ўключаць некалькі этапаў. Раённыя камітэты БРСМ сумесна з тэрытарыяльнымі цэнтрамі сацыяльнага абслугоўвання праводзяць работу па выяўленні ўсіх патэнцыяльных адрасатаў акцыі, вызначаюць маршруты наведвання. Далей пачынаюць работу творчыя майстэрні. Тут рабят чакае работа па стварэнні сімвалічных падарункаў, на майстар-класах і занятках яны будуць вырабляць самаробныя ёлкі з выкарыстаннем цукерак і элементаў дэкору, а таксама вязаць шалікі з лагатыпам БРСМ. Паралельна ва ўстановах адукацыі будуць арганізаваны „цёплыя куткі“ для збору падарункаў адзінокім і адзінока пражываючым пажылым людзям, улічваючы іх узрост і патрэбы», — сказала Святлана Паўленіна.

Паводле яе слоў, ужо з 22 снежня пачнуцца «візіты дабра» — адраснае наведванне адзінокіх і адзінока пражываючых пажылых людзей па загадзя складзеных маршрутах будзе суправаджацца ўручэннем падарункаў, аказаннем пасільнай бытавой і іншай дапамогі.

«Важны складнік акцыі — інфармацыйная кампанія. Камандзіры валанцёрскіх атрадаў на ўсіх этапах акцыі ствараюць кантэнт ад першай асобы, які ў наступным будзе публікавацца на афіцыйных старонках БРСМ у сацыяльных сетках. Гэта не проста справаздачы аб праведзенай рабоце, а спосаб уцягнуць у актыўную дабрачынную дзейнасць як мага больш людзей», — дапоўніла Святлана Паўленіна.