Сёння на пасяджэнні Назіральнага савета ПВТ падводзяць вынікі 2025 года. «Яны нядрэнныя: назіраецца рост экспарту і павелічэнне колькасці рэзідэнтаў. Разам з тым нам трэба будзе разгледзець шэраг праблемных пытанняў. Перш за ўсё — сітуацыю вакол некалькіх нашых крыптарэзідэнтаў», — падкрэсліў Аляксандр Турчын.
Таксама на пасяджэнні плануюць ацаніць адукацыйныя трэкі — наколькі эфектыўна рэалізуецца грантавая сістэма падтрымкі выкладчыкаў.
Усяго рэзідэнтаў у ПВТ больш за 1 тыс. З пачатку гэтага года ўжо пададзена больш за 60 заявак, якія зараз праходзяць працэдуры адбору.
На парадку дня Назіральнага савета стаялі два пытанні. Першае — рэгуляванне крыптасферы. «Усе мы ведаем, што гэта новая тэма, якая выклікае як надзеі, так і асцярогі. Таму мы традыцыйна робім справаздачу перад Назіральным саветам аб стане гэтага сектара і прапануем збалансаваныя рашэнні, якія ўдакладняюць і робяць больш выразным прававое рэгуляванне работы ў гэтай сферы», — адзначыла начальнік сакратарыята Назіральнага савета ПВТ Ганна Рабава.
Зараз у крыптасферы працуе ўсяго 20 рэзідэнтаў парка — гэта менш за 2 % ад агульнай колькасці. Доля невялікая, але тэмпы росту высокія, падкрэсліла яна.
Усяго рэзідэнтаў у ПВТ больш за 1 тыс. З пачатку гэтага года ўжо пададзена больш за 60 заявак, якія зараз праходзяць працэдуры адбору.
Другое пытанне — садзейнічанне развіццю экспарту. «Парк высокіх тэхналогій — гэта ў прынцыпе экспартна арыентаваная адмысловая прававая зона. У мінулым годзе ў нас добры вынік: тэмп росту экспарту склаў 112 %, мы перасягнулі адзнаку ў $2 млрд. Павялічылася колькасць рэзідэнтаў, пашыраецца геаграфія паставак — паказчыкі сапраўды радуюць», — сказала яна.
Па словах Ганны Рабавай, абстаноўка ў свеце пастаянна мяняецца, таму трэба не толькі прапаноўваць савету бягучыя справаздачы, але і стратэгічнае бачанне развіцця парка.
Ключавая задача Парка высокіх тэхналогій на гэты год — акрамя росту выручкі і экспарту вырасціць новы пул кампаній. «Мы сур’ёзна заняліся стартап-рухам, з’явіліся першыя вынікі. Хочам з маладых гадоў выхоўваць кампаніі з разуменнем работы на сусветных экспартных рынках, развіваць у іх амбіцыі і навыкі», — заўважыла кіраўнік.
Адным з пытанняў Назіральнага савета стала і ўдакладненне ўмоў для грантаатрымальнікаў і стыпендыятаў Парка высокіх тэхналогій. «Назіральны савет папярэдне адобрыў падыходы, але папрасіў рабочую групу ўдакладніць асобныя палажэнні. Сёння прапанавалі савету ўдакладненыя варыянты», — расказала Ганна Рабава.
