У 1980-х і 1990-х гадах прадукцыйнасць працы штогод расла на 2%. У 2010-х гадах гэты паказчык заставаўся на ўзроўні 1%. За апошнія шэсць гадоў рост у сярэднім склаў усяго 0,3%.

«Прадукцыйнасць — гэта галоўны рухавік росквіту, і гэты рухавік у Германіі ўжо шмат гадоў працуе з перабоямі», — заявіў кіраўнік аддзела макраэканомікі IW Міхаэль Грэмлінг.

На думку экспертаў, калі гэта тэндэнцыя захаваецца, дабрабыт у краіне будзе зніжацца. Дэмаграфічныя змены прывядуць да скарачэння колькасці работнікаў, даступных для нямецкай эканомікі ў бліжэйшыя гады. Каб кампенсаваць гэта за кошт павышэння прадукцыйнасці працы, тэмпы росту павінны павялічыцца да 1,6% у год, гэта значыць больш чым у пяць разоў. Для гэтага Германіі патрабуюцца рэформы.