«Мы ўжо на сённяшні дзень тэхнічна прапрацавалі гэты варыянт, каб наогул была магчымасць адысці ад рэгіёнаў. Магчымы нават варыянт такі — гэта нумарны знак: дзве літары, тры лічбы і зноў дзве літары. Гэта значыць колькасць элементаў нумарнога знака застанецца такая ж, але з ужываннем літар. Гэта дазволіць нам мець больш... камбінацый», — растлумачыў начальнік ДАІ.

Аднак, паводле яго слоў, пакуль камбінацый хапае, а значыць, у найбліжэйшыя пяць гадоў пытанне адмовы ад рэгіянальнай прыналежнасці аўто разглядацца не будзе.

Раней паведамлялася, што ў 2025 годзе ў Мінску пачалі выдаваць нумары з лічбай «8», таму што камбінацыі з «7» заканчваюцца. У рэзерве застаецца «9», якую, хутчэй за ўсё, будуць выкарыстоўваць у Мінскай вобласці.