«Гэта далёка не першая сустрэча, якую Прэзідэнт Беларусі Аляксандр Лукашэнка праводзіць з амерыканскімі дэлегацыямі. Што да змястоўнай часткі, абмяркоўваліся пытанні, звязаныя з канфліктамі, войнамі, абмяркоўваўся Блізкі Усход. Зразумела, абмяркоўвалася наша рэгіянальная сітуацыя — Расія, Украіна, Беларусь, — сказаў Валянцін Рыбакоў. — Адміністрацыя ЗША ўсведамляе месца і ролю Беларусі ў рэгіянальнай сітуацыі і поўнасцю разумее тое, якой палітычнай вагой і палітычным вопытам валодае Прэзідэнт Беларусі. Менавіта таму і былі прыняты рашэнні і аб павышэнні ўзроўню дэлегацыі. Бо папярэднія дэлегацыі прыязджалі на некалькі ніжэйшым узроўні. Вопыт, якім дзеліцца Прэзідэнт Беларусі з амерыканцамі адносна канфлікту з улікам яго асабістай уцягнутасці, яго цудоўных ведаў кіраўнікоў дзяржаў, аб якіх ідзе размова, усё гэта высока цэніцца Адміністрацыяй».«Пазіцыя, якую падкрэслівае на кожнай такой сустрэчы Прэзідэнт Беларусі, нязменна ў тым, што наш рэгіянальны канфлікт неабходна як мага хутчэй спыніць», — падкрэсліў дыпламат.
Валянцін Рыбакоў таксама падкрэсліў, што Беларусь уносіць магчымы неабходны ўклад у тое, каб людзі перасталі гінуць. "Амерыканскі бок высока цэніць тую дапамогу, якую Беларусь аказвае. Зразумела, размова на такіх сустрэчах ідзе і аб двухбаковых адносінах", - сказаў ён.
