Бакі абмеркавалі ўвесь комплекс пытанняў удзелу Беларусі ў рабоце АБСЕ і перспектывы развіцця супрацоўніцтва нашай краіны з арганізацыяй, у тым ліку ў кантэксце пасяджэння Савета міністраў замежных спраў АБСЕ, якое адбудзецца 3-4 снежня ў швейцарскім горадзе Лугана.

Міністр прывітаў рашэнне аб вылучэнні кандыдатуры Ферыдуна Сінірліаглу на пасаду генеральнага сакратара ААН.

Раней у гэты ж дзень генеральны сакратар АБСЕ быў прыняты Прэзідэнтам Беларусі Аляксандрам Лукашэнкам, а таксама выступіў на пленарным пасяджэнні IV Мінскай міжнароднай канферэнцыі па еўразійскай бяспецы.

«Я прытрымліваюся пункту гледжання, што шматпалярны свет і разнастайнасць — гэта тое, што трэба сёння нашай планеце. У душы, я ўпэўнены, вы гэтага прынцыпу прытрымліваецеся. Вы — чалавек вопытны. У ваш час закладвалася гэта ідэя — супрацоўніцтва розных краін, супрацоўніцтва ўсіх і з усімі, дыялогу і размовы. Таму невыпадковы ваш прыезд на нашу канферэнцыю. Мы гэта вельмі цэнім, — сказаў кіраўнік дзяржавы на сустрэчы з Ферыдунам Сінірліаглу. — Што датычыцца АБСЕ, павінен сказаць, што ў нас неадназначнае стаўленне да гэтай арганізацыі з-за вядомых вам прычын. Але, прафесійна абмяркоўваючы ролю АБСЕ, хацеў бы сказаць, што мы заўсёды будзем змагацца за тое, каб наша Арганізацыя па бяспецы і супрацоўніцтве ў Еўропе вярнулася да сваіх прафесійных абавязкаў і працавала ў напрамку бяспекі і супрацоўніцтва».