«М’янма з’яўляецца нашым вельмі блізкім партнёрам. Палітычнае ўзаемадзеянне знаходзіцца на высокім узроўні. Мы дастаткова актыўна развіваем вельмі многія эканамічныя праекты, — сказаў кіраўнік МЗС. — Супрацоўніцтва развіваецца, і пацвярджэннем таму з’яўляецца рост тавараабароту. Няхай гэта пакуль сціплыя лічбы, але рост вельмі сур’ёзны».

Максім Рыжанкоў адзначыў, што афіцыйны візіт Аляксандра Лукашэнкі ў М’янму ў лістападзе 2025 года стаў яркай падзеяй у двухбаковым супрацоўніцтве.

Па словах міністра, нарошчваюцца пастаўкі ў М’янму прадуктаў харчавання з Беларусі, у канчатковай стадыі рэалізацыі знаходзіцца шэраг праектаў па зборцы беларускай тэхнікі. У двухбаковым супрацоўніцтве ёсць і праекты пры ўдзеле «Беллегпрама».

«Ёсць сур’ёзныя ідэі, якія таксама рэалізуюцца, па пытанні пастаўкі з М’янмы пэўнай групы тавараў. Гэта датычыцца морапрадуктаў, пальмавага алею, каўчуку, агародніны і садавіны, якія мы ў сябе не вырошчваем», — расказаў Максім Рыжанкоў.