Міністр замежных спраў Беларусі Максім Рыжанкоў 21-26 ліпеня наведае з афіцыйным візітам Кыргызстан. Пра гэта БелТА паведамілі ў прэс-службе знешнепалітычнага ведамства.
У Бішкеку міністр правядзе сустрэчы на вышэйшым і высокім узроўнях, а таксама прыме ўдзел у мерапрыемствах гандлёва-эканамічнай накіраванасці.
Акрамя таго, Максім Рыжанкоў прадставіць Беларусь на пасяджэнні Савета міністраў замежных спраў Шанхайскай арганізацыі супрацоўніцтва (СМЗС ШАС), якое пройдзе ў Чалпон-Аце, а таксама абмяркуе пытанні двухбаковага парадку дня з калегамі з дзяржаў — членаў ШАС.
