«Вынікі 2025 года і даныя першых месяцаў бягучага года сведчаць, што, нягледзячы на неаслабны знешні націск, гандлёва-эканамічнае супрацоўніцтва паміж Беларуссю і Расіяй прадаўжае актыўна пашырацца, імкнучыся да новых гістарычных рэкордаў», — падкрэсліў ён.

Паводле слоў міністра, за апошнія 5 гадоў тавараабарот паміж краінамі вырас больш як у 1,8 раза ($55 млрд), у тым ліку экспарт Беларусі на расійскі рынак — у два разы. «На такія ўражальныя вынікі мы выйшлі дзякуючы сумесным намаганням па паглыбленні інтэграцыі ў рамках Саюзнай дзяржавы, рэалізацыі маштабных праграм імпартазамяшчэння і арыентацыі на дасягненне тэхналагічнага суверэнітэту», — заявіў міністр.

Актывізацыя прамых сувязяў паміж беларускімі і расійскімі кампаніямі таксама стала драйверам росту ўзаемнага гандлю і фарміравання новых лагістычных ланцужкоў.

У МЗС Беларусі канстатавалі, што ў цэлым задаволены дынамікай і рэзультатыўнасцю беларуска-расійскіх кантактаў, а высокую планку двухбаковаму дыялогу задаюць лідары дзяржаў. Знешнепалітычныя ведамствы пры гэтым забяспечваюць яму эфектыўнае суправаджэнне і рэалізацыю дасягнутых дамоўленасцяў ва ўсіх вымярэннях — ад міжпарламенцкага да міжрэгіянальнага.