Паведамляецца, што ў праграме візіту запланаваны перагаворы на вышэйшым узроўні, сустрэчы ў галіновых міністэрствах, а таксама работа з бізнесам.

Раней Прэзідэнт Беларусі Аляксандр Лукашэнка выказаўся пра перспектывы супрацоўніцтва Беларусі і Мазамбіка. На сустрэчы са старшынёй Сената Зімбабвэ Мейбл Мэморы Чынамонай кіраўнік дзяржавы прапанаваў рэалізаваць трохбаковы праект з Мазамбікам па будаўніцтве марскога порта.

«Нам вельмі патрэбны пункт апоры на ўзбярэжжы Афрыканскага кантынента — на паўднёвым усходзе. Гэта значыць, што мы разам павінны папрацаваць з Зімбабвэ над будаўніцтвам порта ў вашай суседняй дзяржаве — Мазамбіку. Калі б мы ажыццявілі разам з Мазамбікам і Зімбабвэ гэтую ідэю, а ў дадзеным выпадку мы можам гэта зрабіць і аднавіць чыгуначныя зносіны праз вашага суседа (там невялікая адлегласць) у Зімбабвэ, то ваша краіна стала б добрым хабам на поўдні Афрыцы для тавараў, патрэбнай прадукцыі не толькі з Беларусі, але і для тавараў іншых дзяржаў. Думаю, перш за ўсё Расіі», — заявіў тады беларускі лідар.