Савет Міністраў адобрыў праект пагаднення паміж міністэрствамі энергетыкі Беларусі і Расіі аб зацвярджэнні правіл функцыянавання аб’яднанага рынку электрычнай энергіі Саюзнай дзяржавы ў якасці асновы для правядзення перагавораў. Адпаведную пастанову падпісаў Прэм’ер-міністр Беларусі Аляксандр Турчын, паведамілі БелТА ў прэс-службе ўрада.
Пастанова распрацаваная ў мэтах рэалізацыі закона ад 9 снежня 2025 года № 114-З «Аб ратыфікацыі Дагавора паміж Рэспублікай Беларусь і Расійскай Федэрацыяй аб фарміраванні аб’яднанага рынку электрычнай энергіі Саюзнай дзяржавы». Законам прадугледжваецца надзяленне паўнамоцтвамі па кіраванні аб’яднаным рынкам электрычнай энергіі і яго функцыянаванні Мінэнерга і МАРГ.
Паўнамоцтвамі для падпісання Правіл функцыянавання аб’яднанага рынку электрычнай энергіі Саюзнай дзяржавы надзяляецца Міністэрства энергетыкі.
