«СААЗ адзначае сур’ёзны рух наперад Беларусі ў рэалізацыі навукова абгрунтаваных мер грамадскага здароўя. Краіна актыўна выкарыстоўвае вынікі даследаванняў, праведзеных у 2016-2020 гадах для распрацоўкі мер па зніжэнні неінфекцыйных захворванняў, — сказаў Сяргей Дыярдзіца. — Паслядоўная палітыка адносна кантролю тытуню ўжо прынесла прыкметныя вынікі — распаўсюджанасць курэння сярод мужчын знізілася з 49 працэнтаў у 2016 годзе да 42 працэнтаў у 2020. Гэтыя меры сталі прыкладам эфектыўнага ўкаранення рэкамендацый СААЗ і ўнеслі ўклад у павелічэнне працягласці жыцця насельніцтва».

Сяргей Дыярдзіца падкрэсліў, што асабліва важным крокам стала ўключэнне вакцынацыі супраць віруса папіломы чалавека ў нацыянальны каляндар прафілактычных прышчэпак з 2025 года. «Гэта рашэнне робіць Беларусь часткай глабальнай стратэгіі СААЗ па ліквідацыі раку шыйкі маткі як праблемы грамадскай аховы здароўя і паказвае імкненне краіны да выкарыстання навукова даказаных і эфектыўных прафілактычных мер», — дадаў ён.

«СААЗ высока цэніць міжсектаральную работу Беларусі, у прыватнасці ініцыятывы ў рамках праграмы „Здаровыя гарады і пасёлкі“, якая аб’ядноўвае спецыялістаў са сфер аховы здароўя, адукацыі, гарадскога планавання, дарожнай бяспекі, спорту і садзейнічае фарміраванню асяроддзя, у якім людзі могуць весці больш здаровы лад жыцця», — упэўнены Сяргей Дыярдзіца

Прадстаўнік СААЗ адзначыў паспяховае супрацоўніцтва з Міністэрствам аховы здароўя па праекце «Электронны атлас пацыента» на платформе РНПЦ медыцынскіх тэхналогій. «Беларусь таксама бярэ пад увагу хуткадзейныя меры, якія могуць прывесці да зніжэння смяротнасці ад неінфекцыйных захворванняў менш як за 5 гадоў, — адмова ад курэння пры падтрымцы лекавых прэпаратаў, укараненне франтальнай маркіроўкі прадуктаў харчавання па тыпу святлафора і стымуляванне фізічнай актыўнасці праз якаснае гарадское планаванне», — сказаў Сяргей Дыярдзіца.

«Ад імя Сусветнай арганізацыі аховы здароўя хачу выказаць удзячнасць Міністэрству аховы здароўя і ўсім медыцынскім работнікам, якія кожны дзень уносяць уклад у фарміраванне здаровага асяроддзя і пашырэнне навукова абгрунтаваных рашэнняў. СААЗ застаецца вашым надзейным партнёрам на шляху да больш здаровай і ўстойлівай будучыні для ўсіх», — рэзюмаваў ён.