У матчы другога раўнда дзеючая чэмпіёнка Miami Open першая ракетка планеты сустрэнецца з прадстаўніцай ЗША Эн Лі, якая займае 39-е месца ў сусветным рэйтынгу. У 1/64 фіналу амерыканка перамагла ў трохсэтавым паядынку аўстралійку Кімберлі Бірэл (70-ы нумар рэйтынгу WTA) — 6:2, 2:6, 6:3.

Яшчэ адна беларуска Аляксандра Сасновіч (116) прабілася ў асноўную сетку праз кваліфікацыю, але ў першым крузе пацярпела паражэнне ад іспанкі Паўлы Бадосы (100) — 5:7, 3:6.

Пераможца сёлетніх спаборніцтваў у Маямі вызначыцца 29 сакавіка, чэмпіёнка заробіць больш як $1,1 млн і 1000 рэйтынгавых ачкоў. Год таму Арына Сабаленка перамагла ў вырашальным паядынку амерыканку Джэсіку Пегулу — 7:5, 6:2. Яшчэ адна беларуская тэнісістка Вікторыя Азаранка тройчы выйгравала гэты турнір (2009, 2011, 2016).