У матчы 1/8 фіналу лідар сусветнага рэйтынгу перамагла ў двух сэтах тэнісістку з Іспаніі Джэсіку Бузас Манэйра (42-і нумар рэйтынгу WTA) — 6:1, 7:5. Сустрэча доўжылася 1 гадзіну 20 хвілін. У 1/32 фіналу Сабаленка перайграла ў дзвюх партыях чэшскую тэнісістку Маркету Вандроўшаву (59) — 7:5, 6:1, а затым адолела ў трохсэтавым паядынку прадстаўніцу Вялікабрытаніі Эму Радукану (39) — 7:6 (7:3), 4:6, 7:6 (7:5). У матчы за трапленне ў паўфінал беларуска будзе супернічаць з прадстаўніцай Казахстана Аленай Рыбакінай (10).

Год таму ў вырашальным паядынку гэтых спаборніцтваў Арына Сабаленка перамагла амерыканку Джэсіку Пегулу. У 2013 і 2020 гадах чэмпіёнкай станавілася яшчэ адна беларуская тэнісістка — Вікторыя Азаранка.

Цяперашні турнір завершыцца 18 жніўня, яго пераможца атрымае $752,2 тыс. і 1000 рэйтынгавых ачкоў.