Сёння ў 1/16 фіналу першая ракетка планеты сустракалася з прадстаўніцай ЗША Сафіяй Кенін, якая займае 31-е месца ў сусветным рэйтынгу, і перамагла ў трохсетавым паядынку — 3:6, 6:3, 6:2. Паядынак доўжыўся 2 гадзіны 8 хвілін. У стартавым матчы Сабаленка без асаблівых праблем разабралася з расіянкай Анастасіяй Патапавай (34-ы нумар рэйтынгу WTA) — 6:2, 6:2, а ў гульні за трапленне ў чвэрцьфінал будзе супернічаць з украінскай тэнісісткай Мартай Касцюк (27). Год таму Арына Сабаленка ў фінале рымскага турніру прайграла польскай тэнісістцы Ізе Свентэк.

Цяперашні турнір на грунтавых кортах італьянскай сталіцы завершыцца 17 мая, яго пераможца запрацуе 1000 рэйтынгавых ачкоў і 877,3 тыс. еўра прызавых.