У стартавым паўфінальным матчы першая ракетка планеты беларуска Арына Сабаленка згуляе з украінкай Элінай Світолінай, якая займае 12-е месца ў рэйтынгу WTA (пачатак сустрэчы ў 11.30 па мінскім часе). У другім паўфінале прадстаўніца Казахстана Алена Рыбакіна (5-ы нумар сусветнага рэйтынгу) сустрэнецца з амерыканскай тэнісісткай Джэсікай Пегулай (6). Жаночы фінал першага ў сезоне турніру серыі «Вялікага шлема» пройдзе ў Мельбурне 31 студзеня. Арына Сабаленка выйгравала аўстралійскае першынство ў 2023 і 2024 гадах, а год таму саступіла ў фінале амерыканцы Мэдысан Кіз.

Заўтра ў першым мужчынскім паўфінале пераможца двух апошніх Australian Open італьянскі тэнісіст Янік Сінер (2) сустрэнецца з дзесяціразовым трыумфатарам аўстралійскага чэмпіянату сербам Новакам Джокавічам (4). У другім матчы за выхад у фінал лідар сусветнага рэйтынгу іспанец Карлас Алькарас будзе сапернічаць з прадстаўніком Германіі Аляксандрам Зверавым, у якога трэцяя пазіцыя. Фінал мужчынскага турніру адбудзецца 1 лютага.