Першая ракетка свету беларуска Арына Сабаленка згуляе з украінкай Мартай Касцюк (27 WTA) у 1/8 фіналу тэніснага турніру ў Рыме, паведамляе Sputnik.
Напярэдадні беларуска перамагла амерыканку Сафію Кенін з лікам 3:6, 6:3, 6:2, а ўкраінка была мацнейшай за канадку Лейлу Фернандэс (6:4, 6:2).
Летась у сталіцы Італіі Сабаленка дайшла да фіналу, дзе ўступіла прадстаўніцы Польшчы Ізе Свёнтак.
Турнір у Рыме з’яўляецца заключным «тысячнікам» у жанчын у бягучым сезоне. Спаборніцтвы асноўнай сеткі праходзяць з 6 па 17 мая.
У жаночым адзіночным разрадзе бяруць удзел 96 тэнісістак. Дзеючым пераможцам турніру з’яўляецца польская тэнісістка Іга Свёнтак.
Прызавы фонд турніру WTA-1000 у 2025 годзе складае больш за шэсць мільёнаў еўра. Пераможца атрымае больш за 877.000 еўра і 1000 рэйтынгавых ачкоў.
