Дзмітрый Кастрыцкі адзначыў, што многія агароднікі выкарыстоўваюць такі метад, але ён не заўсёды добры. 

— Нашатырны спірт — добрае азотнае ўгнаенне, але ў халоднай глебе азот вельмі дрэнна засвойваецца. Нашатырным спіртам часнок можна падкормліваць, калі добра прагрэецца глеба. У нашых умовах гэта прыблізна канец красавіка-пачатак мая. Цяпер такая падкормка малаэфектыўная, — расказаў ён.

Садоўнік дадаў:

— Калі глеба халодная, лепш працуе аміячная салетра. Можаце раскідаць па паверхні сухое ўгнаенне і прысыпаць яго глебай або зрабіць водны раствор з разліку 1-2 сталовыя лыжкі на 10 літраў вады. Гэта добрае ўгнаенне вясной.