Яна адзначыла, што з пачатку года 2025 года ў лабараторыі Мінскага гарадскога цэнтра гігіены і эпідэміялогіі было даследавана больш за 1,6 тыс.проб харчовых прадуктаў. «З іх 14% не адпавядала па тых ці іншых паказчыках. Уся прадукцыя, якая была небяспечнай і з адхіленнямі, канфіскаваная з рэалізацыі і ўтылізаваная. Што ж тычыцца гандлю, выяўляецца неадпаведная прадукцыя як завадской, імпартнай вытворчасці, так і ўласнай. У большасці сваёй гэта шматкампанентныя салаты, сушы, прадукцыя, дзе шмат ручной працы», — звярнула ўвагу загадчыца аддзялення.

За сем месяцаў гэтага года ў Мінскі гарадскі цэнтр гігіены і эпідэміялогіі паступіла больш за 180 зваротаў грамадзян аб рэалізацыі харчовых прадуктаў са скончаным тэрмінам прыдатнасці. Таксама наглядныя мерапрыемствы былі праведзены ў дачыненні да амаль 800 аб’ектаў гандлю без уліку аб’ектаў грамадскага харчавання.

«Парушэнні заканадаўства ў той ці іншай ступені былі выяўленыя больш чым у 70% ад колькасці абследаваных аб’ектаў. Сярод найбольш частых парушэнняў, якія выяўляюцца органамі дзяржсанагляду, — нездавальняючы санітарны стан памяшканняў, гандлёвага і тэхналагічнага абсталявання, інвентару. Яны ўстаноўлены больш чым у 30% аб’ектаў. Акрамя таго, адсутнасць або няпоўная інфармацыя на маркіровачным цэтліку, нанесеным на харчовую прадукцыю, расфасаваную ў прадпрыемствах гандлю, рэалізацыя альбо прапанова да рэалізацыі харчовых прадуктаў са скончаным тэрмінам прыдатнасці, а таксама парушэнне правілаў асабістай гігіены, несвоечасовае праходжанне медыцынскіх аглядаў і навучанне работнікаў. Усе гэтыя парушэнні можна аднесці да тых, што пры правільнай арганізацыі вытворчага кантролю ў прадпрыемстве гандлю можна было б пазбегнуць», — патлумачыла Вольга Цімашэнка.