Беларуская тэнісістка Аляксандра Сасновіч прыме старт у кваліфікацыі турніру WTA-1000 у амерыканскім Цынцынаці з прызавым фондам $7,4 млн, паведамляе БелТА.
У паядынку першага кваліфікацыйнага раўнда беларуска, якая займае 141-е месца ў сусветным рэйтынгу, сустрэнецца з калумбійскай тэнісісткай Эміліянай Аранга, у якой 97-я пазіцыя. Пераможца гэтай сустрэчы згуляе ў вырашальным матчы за трапленне ў асноўную сетку з пераможцай паядынку паміж немкай Элай Зайдэль (105-ы нумар рэйтынгу WTA) і прадстаўніцай Аргенціны Надзяй Падароскай (514).
Першая ракетка планеты беларуска Арына Сабаленка пачне выступленне ў Цынцынаці з другога раўнда. Год таму Сабаленка выбыла ў чвэрцьфінале, а чэмпіёнкай стала польская тэнісістка Іга Свёнтэк. У 2024 годзе пераможцай Cincinnati Open была Арына Сабаленка, яшчэ адна беларуская тэнісістка Вікторыя Азаранка двойчы выйгравала гэтыя спаборніцтвы (2013, 2020). Цяперашні турнір завершыцца 23 жніўня, чэмпіёнка заробіць больш за $1,15 млн і 1000 рэйтынгавых ачкоў.
