У стартавым матчы Сасновіч, якая знаходзіцца на 136-м месцы ў рэйтынгу WTA, пераадолела ў дзвюх партыях венгерскую тэнісістку Далму Галфі, якая займае 157-ю пазіцыю, — 7:6 (7:5), 6:3. Наступнай саперніцай беларускі будзе чэшка Вендула Вальдманава (165). Раней яшчэ адна беларуска Ірына Шымановіч (191-ы нумар сусветнага рэйтынгу) адолела ў трохсэтавым паядынку прадстаўніцу Швейцарыі Рэбеку Машараву (180) — 6:4, 3:6, 6:4 і ў другім крузе сустрэнецца з амерыканскай тэнісісткай Джульетай Парэхай (284). Наша Алёна Фалей (222) завяршыла выступленне ў Нью-Ёрку, прайграўшы расіянцы Алене Прыданкінай (186) — 1:6, 3:6. Каб прабіцца ў асноўную сетку амерыканскага першынства, спартсменкам трэба пераадолець тры кваліфікацыйныя бар’еры.

Асноўны этап US Open пройдзе ў Нью-Ёрку з 30 жніўня па 13 верасня. Яго агульны прызавы фонд складзе рэкордныя $108 млн, чэмпіёны ў мужчынскім і жаночым адзіночным разрадзе атрымаюць па $5,5 млн. Год таму пераможцам жаночага турніру стала беларуска Арына Сабаленка, у мужчын выйграў іспанскі тэнісіст Карлас Алькарас.