Злёт аб’яднае 250 удзельнікаў — па 125 чалавек ад Беларусі і Расіі, у ліку якіх пажылыя грамадзяне, сярэбраныя валанцёры, прадстаўнікі саветаў пажылых грамадзян, эксперты і спецыялісты ў галіне герыятрыі, сацыяльнага і медыцынскага абслугоўвання, спорту, культуры і валанцёрскай дзейнасці.

«Цяперашні злёт — шмат у чым вынік паслядоўнай работы саюзных парламентарыяў. Менавіта дэпутаты Парламенцкага сходу ўзнімалі пытанне аб неабходнасці правядзення маштабнага саюзнага мерапрыемства, прысвечанага актыўнаму даўгалеццю, выступалі з ініцыятывай аб яго ўключэнні ў план мерапрыемстваў Саюзнай дзяржавы, дабіваліся выдзялення фінансавання і ўзгаднення пазіцый дзвюх краін. Сёння гэта ініцыятыва ператварылася ў жыццё: Віцебск прымае прадстаўнікоў старэйшага пакалення дзвюх краін», — адзначылі ў прэс-службе. Гасцямі мерапрыемства стануць старшыня Камісіі Парламенцкага сходу па працы і сацыяльнай палітыцы Алена Афанасьева і намесніца старшыні камісіі Ірына Касцевіч.

Мерапрыемства накіравана на выпрацоўку і рэалізацыю ў Саюзнай дзяржаве адзіных падыходаў да стварэння ўмоў для найбольш поўнай і эфектыўнай рэалізацыі патэнцыялу пажылых грамадзян, устойлівага павышэння якасці іх жыцця, папулярызацыі сацыяльнай палітыкі дзвюх краін, накіраванай на забеспячэнне дастойнага жыцця ў старэйшым узросце, актыўнага ўключэння грамадзян старэйшага ўзросту ў грамадскае жыццё, а таксама фарміравання ў грамадскім успрыманні стваральнай ролі старэйшага пакалення.

У час злёту запланаваны выстава работ удзельнікаў мерапрыемства, прэзентацыя дзяржаўнай палітыкі і нацыянальных стратэгій Беларусі і Расіі ў інтарэсах пажылых грамадзян, а таксама дэманстрацыя падыходаў і методык у сферы актыўнага даўгалецця. Пройдуць інтэрактыўныя пляцоўкі па прэзентацыі вопыту і практык рэалізацыі нацыянальных стратэгій з выступленнямі спікераў і экспертаў па найбольш значных напрамках актыўнага даўгалецця.

25 верасня запланавана сумеснае пасяджэнне калегій міністэрстваў працы і сацыяльнай абароны Беларусі і Расіі на тэму «Выбудоўванне сацыяльнай палітыкі на аснове прынцыпу чалавекацэнтрычнасці: дасягнутыя вынікі і перспектыўныя задачы».