Пасяджэнне Камісіі Парламенцкага сходу Саюза Беларусі і Расіі па заканадаўстве і рэгламенце пройдзе 19 лістапада ў Мінску з падключэннем па відэа-канферэнц-сувязі студый з Масквы. Пра гэта БелТА паведамілі ў прэс-службе сходу.
«Парламентарыі разгледзяць пытанні, накіраваныя на заканадаўчае забеспячэнне роўных правоў грамадзян Беларусі і Расіі. Цэнтральнымі тэмамі стануць функцыянаванне адзінай сістэмы абавязковага страхавання грамадзянскай адказнасці ўладальнікаў транспартных сродкаў Саюзнай дзяржавы, а таксама фарміраванне механізму пералічэння грашовых сродкаў на карысць рэзідэнтаў Рэспублікі Беларусь па выканаўчых дакументах, якія падлягаюць выкананню на тэрыторыі Расійскай Федэрацыі», — адзначылі ў прэс-службе.
Да ўдзелу ў мерапрыемстве запрошаны прадстаўнікі Пастаяннага камітэта Саюзнай дзяржавы, міністэрстваў юстыцыі Беларусі і Расіі, Рэспублікі Беларусь, Беларускага бюро па транспартным страхаванні, Расійскага саюза аўтастрахоўшчыкаў, акцыянернага таварыства «Нацыянальная страхавая інфармацыйная сістэма».
