Рынак экспрэс-дастаўкі Кітая прадэманстраваў стабільны рост у першай палове года, яго маштаб захоўваўся на высокім узроўні. Пра гэта паведамілі ў Дзяржаўным паштовым упраўленні КНР, перадае «Сіньхуа».

Выручка кітайскага сектара экспрэс-дастаўкі ў студзені-чэрвені перавысіла 700 мільярдаў юаняў, павялічыўшыся на 8,5 працэнта ў гадавым вылічэнні. Як адзначыла прадстаўнік Цэнтра вывучэння развіцця Дзяржаўнага паштовага ўпраўлення КНР Чжу Лі, аб’ём апрацаваных адпраўленняў за адпаведны перыяд, перавысіў 95 млрд, што на 19 працэнтаў больш, чым за такі ж час летась.

За чэрвень індэкс развіцця экспрэс-дастаўкі склаў 454,3, павялічыўшыся на 4,7 працэнта ў гадавым параўнанні. Чжу Лі адзначыла, што ў першым паўгоддзі сектар экспрэс-дастаўкі Кітая дэманстраваў устойлівы рост, у поўнай меры задавальняючы патрэбнасці ў дастаўцы з боку стрымінгавых продажаў, эканомікі свят і трэйд-ін адносна спажывецкіх тавараў.

Сектар таксама паглыблена выяўляў патэнцыйны попыт на паслугі дастаўкі ў сферах культурнага турызму і спартыўных спаборніцтваў, а таксама садзейнічаў бесперапыннаму раскрыццю патэнцыялу анлайн-спажывання. Як адзначыла Чжу Лі, у другім паўгоддзі чакаецца, што ў сектары працягнецца раскрыццё імпульсу росту, паглыбіцца галіновая каардынацыя, пашырыцца спектр паслуг.