У Мінску ў гэтыя выхадныя пройдуць сельскагаспадарчыя кірмашы. Пра адрасы, дзе можна будзе набыць вітамінную прадукцыю, БелТА паведамілі ў Мінгарвыканкаме.
Мінчан і гасцей сталіцы чакае гарадскі кірмаш, які разгорнецца на пляцоўцы каля «Чыжоўка-Арэны» па вул. Ташкенцкай, 19. Час працы — з 8.00 да 16.00.
Таксама сельскагаспадарчыя кірмашы ў суботу і нядзелю пройдуць ва ўсіх раёнах сталіцы. У Заводскім раёне — па вул. Несцерава, 49 (аўтастаянка ГЦ «Сімакс»). У Ленінскім раёне — па пр. Ракасоўскага, 114 (аўтамабільная паркоўка). У Маскоўскім раёне — па вул. Я. Брыля (пляцоўка паблізу дома № 5), у Кастрычніцкім — па вул. Чкалава, 7 і Барамзіной, 10а.
У Партызанскім раёне — па бульвары Трактарабудаўнікоў, у Першамайскім — на вул. Русіянава, 1. У Савецкім раёне — у Парку дружбы народаў, у Фрунзенскім — па вул. Прытыцкага, 27 (адкрытая пляцоўка каля Лядовага палаца спорту Мінскай вобласці), у Цэнтральным раёне — па вул. Кахоўскай, 31 (пляцоўка каля кінатэатра «Кіеў»).
Маштабны гарадскі сельскагаспадарчы кірмаш на пляцоўцы каля Палаца спорту запланаваны на 18-19 кастрычніка і 1-2 лістапада. Акрамя гэтага, у горадзе вызначана каля 100 лакацый, дзе продаж сельскагаспадарчай прадукцыі будзе ажыццяўляцца штодня.
