Вялікі гандаль разгорнецца каля фізкультурна-аздараўленчага цэнтра Н2О па вуліцы Златавустаўскага з 10.00 да 15.00. Тут жыхары і госці горада змогуць набыць самую разнастайную сельскагаспадарчую прадукцыю, саджанцы і кветкі, мяса і рыбу, вырабы вядучых прадпрыемстваў горада, спадарожныя тавары. Таксама будуць прадаваць прадукцыю грамадскага харчавання. Валанцёры дапамогуць пажылым людзям даставіць цяжкія пакупкі.

Як адзначылі ў аблвыканкаме, на агароднінную прадукцыю на гэтай пляцоўцы ўстанавілі рознічныя цэны. Так, за 1 кг бульбы — да 80 капеек, кошт кілаграма белакачаннай капусты і морквы — да 1 рубля, буракоў — да 80 капеек, рэпчатай цыбулі — да 1,1 рубля, а кілаграма яблыкаў — да 4 рублёў.

У гэтыя дні ў абласным цэнтры будуць працаваць яшчэ дзве гандлёвыя пляцоўкі: па вул. Бялінскага, у ГЦ «Грынвіч», і на тэрыторыі каля дома № 28 па бульвары Непакораных. 

Таксама восеньскія кірмашы будуць праходзіць у Магілёве 24 і 25 кастрычніка, 31 кастрычніка і 1 лістапада.