Парламенцкі сход Беларусі і Расіі правядзе маладзёжны гістарычны фестываль, які ўпершыню пройдзе ў Беларусі, паведаміў Старшыня Палаты прадстаўнікоў Нацыянальнага сходу Ігар Сергяенка, перадае Sputnik.

Сёння ў Мінску праходзіць пасяджэнне Савета Палаты прадстаўнікоў, на якім абмяркоўваецца план разгляду законапраектаў на трэцяй сесіі.

Асобна Сергяенка закрануў міжнародны парадак дня.

«Мы (Парламенцкі сход Беларусі і Расіі) рыхтуем і ў пачатку верасня правядзём маладзёжны фестываль — упершыню на тэрыторыі Рэспублікі Беларусь. Раней ён заўсёды праходзіў у Смаленску», — сказаў Сергяенка.

Па яго словах, мерапрыемства пройдзе ў Магілёве. У рамках маладзёжнага фестывалю адбудзецца форум маладых гісторыкаў з наведваннем музея баявой славы.