«Мы ніколі не змірымся з пазіцыяй заходніх палітыкаў, апантаных рэваншысцкімі памкненнямі, перапісаць гісторыю, абяліць нацысцкіх злачынцаў, іх памагатых. Іх мэта — перафарматаваць свядомасць маладога пакалення. Яны хочуць, каб нашы дзеці і ўнукі адмовіліся ад гераічнага мінулага сваіх дзядоў і прадзедаў», — сказаў Ігар Сергяенка.

 «Гістарычная памяць накіраваная не толькі ў мінулае, яна накіраваная ў будучыню. Менавіта таму ў Беларусі, па ініцыятыве грамадзян, у абноўленай Канстытуцыі замацаваны палажэнні аб абароне гістарычнай праўды і памяці аб подзвігу народа ў гады Вялікай Айчыннай вайны, — адзначыў спікер. — Аналагічныя палажэнні адлюстраваны ў асновах ідэалогіі беларускай дзяржавы, зацверджаных Дырэктывай Прэзідэнта Рэспублікі Беларусь. Прыняты законы аб недапушчэнні рэабілітацыі нацызму і аб генацыдзе беларускага народа. У рамках крымінальнай справы па фактах генацыду беларускага народа Генеральнай пракуратурай устанаўліваюцца новыя сведчанні масавых распраў над мірным насельніцтвам, новыя населеныя пункты, якія спасцігла страшная доля Хатыні».