На парадку дня тры асноўныя пытанні, першае з якіх — эфектыўнасць камандзіровак за мяжой. Пытанне разглядаецца з акцэнтам на тыя задачы, якія пастаўлены кіраўніком дзяржавы для павышэння эфектыўнасці ўсіх замежных кантактаў як на тэрыторыі Беларусі, так і пры выездзе за мяжу.

Ігар Сергяенка падкрэсліў, што намаганні неабходна накіраваць на дасягненне канкрэтных вынікаў з замежнымі партнёрамі. Пры гэтым неабходна максімальна задзейнічаць патэнцыял на ўсіх міжнародных пляцоўках для рэалізацыі міждзяржаўных дамоўленасцяў, дасягнутых на вышэйшым і высокім узроўнях, выканання планаў і дарожных карт супрацоўніцтва, перш за ўсё эканамічнай накіраванасці.