Паслугі паштовай сувязі агульнага карыстання па перасылцы паштовых адпраўленняў, прыёме падпіскі на друкаваныя сродкі масавай інфармацыі і іх дастаўцы на падставе ліцэнзіі аказваюць 26 аператараў, з іх 21 аказвае паслугі па перасылцы паштовых адпраўленняў, 5 — па падпісцы на друкаваныя сродкі масавай інфармацыі і іх дастаўцы.

Да новаўвядзенняў лічбавай трансфармацыі паслуг, укаранёных у апошнія гады, адносіцца нацыянальная паштовая электронная сістэма, якая забяспечвае хуткую перасылку простых і заказных пісем у электроннай і гібрыднай форме. Колькасць карыстальнікаў сістэмы складае больш як 6 тыс. Да новых сэрвісаў таксама адносяцца электронная авансавая сістэма, сэрвіс «Мабільны паштальён» (за I квартал 2026 года аказана больш як 5,8 млн паслуг), паштаматы, QR-box (за I квартал 2026 года адпраўлена больш як 46,1 тыс. паштовых адпраўленняў) і сэрвісы перадпаштовай апрацоўкі і атрымання паштовых адпраўленняў з дапамогай QR-кода, якія даюць магчымасць спрасціць працэсы аказання паслуг паштовай сувязі. 

З лістапада 2025 года нацыянальным аператарам паштовай сувязі ўкаранёны ў прамысловую эксплуатацыю ўласны маркетплэйс POST MARKET, у тым ліку для папулярызацыі тавараў беларускіх вытворцаў. На пляцоўцы размешчана больш як 21,6 тыс. тавараў.