Зубныя пратэзы патрабуюць не меншага, а часам нават большага догляду, чым уласныя зубы. «Калі мы гаворым пра няздымныя, напрыклад мостападобныя, пратэзы, то тут заўсёды маецца прамежак паміж дзясной і самімі пратэзамі. І ежа будзе збірацца, забівацца. Для ачысткі гэтых прамежкаў маюцца спецыяльныя сродкі догляду, такія як зубныя ніткі, ёршыкі, малаточкавыя шчоткі, якія чысцяць прамежак паміж дзясной і самім пратэзам. Каб ачысціць здымны пратэз, яго трэба зняць пасля яды, прапаласкаць. А ў хатніх умовах абавязкова не менш за два разы чысціць мяккай зубной шчоткай і неабразіўнай пастай, змяшчаючы яго на ноч у шклянку са спецыяльнай вадой», — расказала Наталля Шакавец.

Яна таксама падкрэсліла, што не радзей за адзін раз на тыдзень тым, хто носіць здымныя пратэзы, трэба выкарыстоўваць спецыяльныя ачышчальныя таблеткі, якія перашкаджаюць збіранню налёту і росту патагеннай флоры. Сярод карысных рэкамендацый і масаж дзяснаў, для якога падыдзе мяккая шчотка або спецыяльная сурвэткі, з дапамогай якой не толькі выдаляецца налёт, але і ўстараняецца непрыемны пах.