У мінулым годзе аб’ём рынку штучнага інтэлекту ў Шэньчжэне склаў 360 мільярдаў юаняў, што на 35 працэнтаў больш, чым у 2023-м, перадае «Жэньмінь жыбаа» анлайн».
Колькасць прадпрыемстваў у сферы штучнага інтэлекту ў мегаполісе перавысіла 2800, а аб’ём вытворчасці прамысловых робатаў вырас на 31,8 працэнта.
Сёлета Шэньчжэнь аб’явіў аб планах па далейшым развіцці штучнага інтэлекту і павышэнні інавацыйнага патэнцыялу горада. Цяпер Шэньчжэнь распрацаваў чатыры планы па ўкараненні штучнага інтэлекту ў гарадскую інфраструктуру, якія ахопліваюць каля 200 сцэнарыяў выкарыстання. Гэтыя планы ўключаюць у сябе такія галіны, як гарадское кіраванне, масавыя і карпаратыўныя паслугі, а таксама пашырэнне магчымасцяў ключавых галін.
