Не прайшла праверку прадукцыя разанскага вытворцы ТАА «ФАРТУНА». «Вытворца наўмысна паказаў асобныя ўласцівасці прадукцыі, але пры гэтым яна не можа быць ідэнтыфікаваная як прадукцыя, за якую выдаецца», — адзначылі ў Дзяржстандарце. Так, тэмпература пачатку крышталізацыі склала мінус 13 ± 1,2 градуса, што не дазваляе прымяняць дадзеную прадукцыю пры тэмпературы навакольнага асяроддзя мінус 30 градусаў, як паказаў вытворца ў маркіроўцы.

Рэалізацыя, увоз і абарот вадкасці ў Беларусі забароненыя з 12 студзеня. Уся прадукцыя павінна быць канфіскавана з абароту.