«Цяпер у Мінскім гарадскім судзе слухаецца крымінальная справа ў дачыненні да службовых асоб прадпрыемства „Бабушкіна крынка“. Прыцягваецца кіраўніцтва прадпрыемства і некаторыя службовыя асобы, якія займалі міністэрскія пасады. Усяго 19 чалавек», — адзначыў Аляксей Стук. 

Агульная шкода, прычыненая ў выніку злоўжывання службовымі паўнамоцтвамі і перавышэння ўлады службовымі асобамі прадпрыемства, склала больш за 4 млн бел. руб. «Якраз заўтра плануюцца спрэчкі па гэтай крымінальнай справе. Дзяржаўны абвінаваўца прааналізуе наяўныя доказы і ў адпаведнасці з цяжарам злачынства і асобамі, якія знаходзяцца на лаве падсудных, выкажа меркаванне аб мерах пакарання», — дадаў Аляксей Стук.

У 2023 годзе на прадпрыемстве была спынена маштабная супрацьпраўная схема, якую арганізавалі службовыя асобы прадпрыемства і прадстаўнікі камерцыйных структур. Схема была звязана з пастаўкай прадукцыі па заніжаных цэнах, карупцыйнымі праявамі, ухіленнем ад выплаты падаткаў і вывадам грошай за граніцу.