Па даных следства, падлетак, навучэнец адной з сярэдніх школ, у адзін з навучальных дзён вырашыў прагуляць заняткі. Замест урокаў ён адправіўся блукаць па тэрыторыі школы, дзе знайшоў скрынак запалак. Вярнуўшыся ў будынак, к. зайшоў у туалет, падпаліў запалку і, не пераканаўшыся, што яна цалкам згасла, кінуў яе ў смеццевае вядро. Затым ён паўтарыў свае дзеянні ў некалькіх іншых туалетах, бязмэтна падпальваючы і раскідваючы запалкі. 

— У выніку гэтых дзеянняў была пашкоджана школьная маёмасць на суму больш за 400 беларускіх рублёў, — адзначае памочнік пракурора Мінскага раёна Марыя Аношка. — Падчас судовага паседжання К. цалкам прызнаў сваю віну. Падлетак растлумачыў, што яму было цікава назіраць, як гараць запалкі. Аб магчымых наступствах-узгаранні, псаванні маёмасці або пагрозе для жыцця вучняў і супрацоўнікаў школы — ён не задумваўся. 

Суд вынес абвінаваўчы прысуд з прымяненнем прымусовых мер выхаваўчага характару. Непаўнагадовы К. быў абмежаваны ў свабодзе вольнага часу на тэрмін 3 месяцы. 

Гэты выпадак у чарговы раз нагадвае пра важнасць кантролю за дзецьмі і своечасовага тлумачэння ім наступстваў неабдуманых учынкаў. Свавольствы, звязаныя з агнём, могуць прывесці да трагедыі, а таксама пацягнуць сур’ёзную юрыдычную адказнасць.